Үйлчилгээний нөхцөл
Үйлчилгээний нөхцөлтэй танилцаж, “Зөвшөөрч байна” товчийг дарснаар “Их цэц” аппликэйшнийг ашиглах, үүнтэй холбогдон үүсэх аливаа харилцаанд орох эрх, үүргээ ухамсарлан, хариуцлага хүлээхийг хүлээн зөвшөөрсөнд тооцно. Иймд 18 нас хүрээгүй хэрэглэгчдийн хувьд асран хамгаалагчдын хамт уншин танилцахыг зөвлөж байна. Үйлчилгээний нөхцөл ба Нууцлалын бодлого нь хамдаа хэрэглэгч болон бидний хоорондох харилцааг зохицуулах эрх зүйн үр дагавар бүхий баримт бичгийг бүрдүүлэх тул сайтар уншиж танилцана уу.
НЭГ. ЕРӨНХИЙ ЗҮЙЛ
Үйлчилгээний нөхцөлийн зорилго нэг талаас “Их цэц” Аппликэйшнийг хэрэглэгч (цаашид “Хэрэглэгч” гэх) болон нөгөө талаас “ЛЕГАСИ АРЧЕРИ ТЕХ” (цаашид “Үйлчилгээ үзүүлэгч” гэх) нь аппликэйшний системийн аюулгүй, найдвартай байдлыг ханган хэвийн үйл ажиллагаа явуулах, хэрэглэгчийн мэдээллийг хадгалах, хамгаалахтай холбоотой үүдэн гарах аливаа эрх, үүрэг, хариуцлагын харилцааг зохицуулахад оршино.
Үйлчилгээний нөхцөл нь Хэрэглэгч үйлчилгээний нөхцөлтэй танилцан хүлээн зөвшөөрч, системд бүртгүүлсэн өдрөөс эхлэн хүчин төгөлдөр үйлчилнэ.
Үйлчилгээ үзүүлэгч нь системийн хэвийн байдлыг хангах үүднээс энэхүү нөхцөлд нэмэлт өөрчлөлт оруулах, засварлах, шинэчлэх, эрхтэй. Хэрэглэгч нь аппликэйшнийг хэрэглэх хугацаандаа хүчин төгөлдөр мөрдөгдөж буй үйлчилгээний нөхцөлийг уншиж танилцах, зөвшөөрөх, шинэ хувилбар гарсан эсэхийг шалгаж байх шаардлагатай.
Хэрэв та энэхүү нөхцөлийг зөвшөөрөхгүй бол Аппликэйшнийг ашиглахгүй байхыг зөвлөж байна.
ХОЁР. ҮЙЛЧИЛГЭЭНИЙ ХҮРЭЭ
“Их цэц” аппликэйшн хэрэглэгчид нь сур харваа сонирхогчид, харваачид, баг, холбоо, клубүүд байна.
Хэрэглэгчдэд сур харвааны мэдээ мэдээлэл авах, сур харвааны бэлтгэл хийх, харвуул наадмуудад оролцох, харвуул наадам зохион байгуулах боломжийг олгоно.
ГУРАВ. ҮЙЛЧИЛГЭЭ ҮЗҮҮЛЭГЧИЙН ЭРХ, ҮҮРЭГ
3.1. Үйлчилгээ үзүүлэгч нь системийн арчилгаа, аюулгүй байдал, хэвийн үйл ажиллагааг хариуцах, хэрэглэгчийн үйлчилгээний мэдээлэл, хувийн мэдээллийг хамгаалах үүрэгтэй.
Үйлчилгээ үзүүлэгч нь хэрэглэгчийн хуваалцахыг зөвшөөрсөн мэдээллийг, үйлчилгээний хэвийн үйл ажиллагаанд шаардлагатай хэлбэрээр ашиглах ба гуравдагч этгээдэд задруулахгүй байх үүрэгтэй
Үйлчилгээ үзүүлэгч нь техникийн өргөтгөл, программын өөрчлөлт, шинэчлэлт хийх үед Үйлчилгээнд түр зогсолт хийнэ.
Үйлчилгээ үзүүлэгч нь техникийн өргөтгөл, программын өөрчлөлт, шинэчлэлт хийхтэй холбоотойгоор Хэрэглэгчийн мэдээлэл өөрчлөгдсөн, устсан тохиолдолд Үйлчилгээ үзүүлэгч хариуцлага хүлээх бөгөөд асуудлыг шийдвэрлэхэд талууд хамтран ажиллана.
Үйлчилгээ үзүүлэгч нь хэрэглэгчийн гар утас, төхөөрөмж, интернэт холболт зэргээс үүдэлтэй аливаа асуудлын хариуцлагыг хүлээхгүй
Хуулиар тусгайлан эрх олгогдсон байгууллага, тэдгээрийн ажилтан, тодорхой үндэслэл шалтгаантайгаар хэрэглэгчийн мэдээлэлд хандахыг шаардсан тохиолдолд тухай хэрэглэгчээс зөвшөөрөл авахыг сануулна.
Үйлчилгээ үзүүлэгч нь энэхүү “Үйлчилгээний нөхцөл”-д засвар өөрчлөлт оруулах, шинэчлэх эрхтэй. Үйлчилгээний нөхцөлд өөрчлөлт хийсэн даруйд өөрчлөлтийн талаар хэрэглэгчдэд аппликэйшнээр дамжуулан мэдэгдэнэ.
ДӨРӨВ. ХЭРЭГЛЭГЧИЙН ЭРХ, ҮҮРЭГ
4.1. Хэрэглэгч үйлчилгээг ашиглахын тулд үйлчилгээний нөхцөлтэй танилцан, хүлээн зөвшөөрсөн байх ба дагаж мөрдөх үүрэгтэй
4.2. Хэрэглэгч нь аппликэйшнид бүртгүүлсэн өөрийн хувийн мэдээлэл(цол зэрэг)-ийн үнэн зөв байдлыг хариуцна.
4.3. Хэрэглэгч өөрийн аппликэйшнийг ашиглахын тулд интернэтэд холбогдсон байх шаардлагатай. Хэрэглэгчийн гар утас, интернэт сүлжээнээс үүдэн тасалдал, хүлээлт үүссэн тохиолдолд үйлчилгээ үзүүлэгч хариуцахгүй.
4.4. Хэрэглэгч нь аливаа гуравдагч этгээдэд өөрийн хувийн аккаунтын нэвтрэх нэр, нууц үг зэрэг мэдээллийг дамжуулан ашиглуулснаас үүдэн гарах аливаа хариуцлагыг өөрөө хүлээнэ.
4.5. Хэрэглэгч нь Үйлчилгээ үзүүлэгчийн компьютерын сүлжээ, сервер, компьютерт хууль бусаар халдах, Үйлчилгээнд эвдрэл, саатал учруулах оролдлого хийхгүй байх үүрэгтэй.
4.6. Хэрэглэгч нь Үйлчилгээний нууцлал, аюулгүй байдал, найдвартай ажиллагааны талаар санал гомдол гаргах, үйлчилгээ үзүүлэгчтэй холбоо барих бүрэн эрхтэй байна.
ТАВ. ҮНЭ ТӨЛБӨР
5.1. Аппликэйшн нь тодорхой зарим бүтээгдэхүүн үйлчилгээнүүд төлбөртэй байна.
- 5.1.1. Харваачийн аккаунтын жилийн хураамж 24.000₮ байна. Төлбөрийг тухайн аккаунтын бүртгүүлсэн сараас он дуусах хугацааны сараар тооцно. Он дууссаны дараагаар жилээр тооцно.
- 5.1.2. Холбоо, баг, клубийн жилийн хураамж 30.000₮ байна. Төлбөрийг жилээр тооцно.
- 5.1.3. Багийн бэлтгэлийн нэмэлт үйлчилгээний төлбөр 30.000₮
- 5.1.4. Харвуул наадам зохион байгуулахад манай аппликэйшнийг хэрэглэсний төлбөр нэг харваачийн 1.000₮
5.2. Үйлчилгээ үзүүлэгч нь энэхүү “Үнэ төлбөр”-т өөрчлөлт оруулах, шинэчлэх эрхтэй. Үйлчилгээний үнэ төлбөрт өөрчлөлт орсон даруйд өөрчлөлтийн талаар хэрэглэгчдэд аппликэйшнээр дамжуулан мэдэгдэнэ.
ЗУРГАА. ОЮУНЫ ӨМЧ
6.1. Аппликэйшн, вэб хуудаст агуулагдах бүх контент лого, программ хангамж нь “ЛЕГАСИ АРЧЕРИ ТЕХ” ХХК-ын өмч
6.2. Хэрэглэгч та Аппликэйшн, вэб хуудасны аль хэсгийг хуулбарлах, өөрчлөх, худалдах эрхгүй.
ДОЛОО. ХОЛБОО БАРИХ
Хэрэв таньд асуулт, санал, хүсэлт байвал дараах хаягаар холбогдоно уу
Имэйл: [email protected]
Утас: 88859208
Энэхүү нөхцөлийг хүлээн зөвшөөрсөнөөр та Аппликэйшн, вэб хуудсыг зохих журамын дагуу хэрэглэх үүрэг хүлээнэ.